Ռուսաստանի օրակարգային գերխնդիրները՝ թույլ չտալ ՀԱՊԿ-ի տրոհումը և բացառել Ադրբեջանի հետ ծրագրերի խափանումը
Տարածաշրջանային հարցերով փորձագետ, արևելագետ Արմեն Պետրոսյանը ֆեյսբուքյան իր էջում գրում է․
«Երևանում կայանալիք ՀԱՊԿ միջոցառումներին ընդառաջ՝ հեռախոսազրույցներ են տեղի ունեցել նախ Ռուսաստանի և Ադրբեջանի նախագահների, ապա՝ վարչապետների միջև։
Օրեր առաջ էլ նախ Ադրբեջան էր այցելել Ռուսաստանի վարչապետը, ապա դարձյալ հեռախոսազրույց էր տեղի ունեցել Պուտինի և Ալիևի միջև։
Մոսկվա-Բաքու հարաբերություններում նման իրավիճակային ակտիվությունը, վստահաբար, պայմանավորված է ՀԱՊԿ երևանյան հանդիպումների և նրանց շրջանակներում ընդունվելիք փաստաթղթերի բովանդակության համահարթեցման հետ։
Ռուսաստանի համար օրակարգային գերխնդիր է մի կողմից որևէ կերպ թույլ չտալ ՀԱՊԿ-ի պառակտում/տրոհում, մյուս կողմից՝ հնարավորինս բացառել Ադրբեջանի հետ քաղաքական, տնտեսական լոգիստիկ ծրագրերի խափանումը, որոնք այսօր այնքան կարևոր են Մոսկվայի համար»։
