Աշխարհաքաղաքական դերակատարները Փաշինյանին բերել են իշխանության՝ հայկական գործոնը չեզոքացնելու համար
ՀՀԿ ԳՄ անդամ Էդուարդ Շարմազանովը ֆեյսբուքյան իր էջում գրում է․
«Ակնհայտ է, որ տասնամյակներ շարունակ հայկական գործոնը հետաքրքիր է եղել աշխարհին մի շարք պատճառներով, որոնցից հիմնականներն են.
1.Ատոմակայանի առկայությունը։
- Ռուսական 102-րդ ռազմաբազան, որը կանգնած է թուրքական բանակի դիմաց։
- Հայկական Սյունիքը, որը կտրում է Ադրբեջանը Թուրքիայից։
- Հայկական Արցախը։
Աշխարհաքաղաքական դերակատարները Փաշինյանին բերել են իշխանության՝ այդ գործոնները չեզոքացնելու համար։
Պարզ է, որ փոխելով Հայաստանի արտաքին քաղաքական վեկտորը, թուրքանատօական բևեռը դադարեցնելու է ատոմակայանի շահագործումը։
Պայմանագիր կնքելով Թուրքիայի հետ՝ վերջինս այլևս սպառնալիք չի լինելու ՀՀ-ի համար, ուստի ռուսական 102-րդ ռազմաբազան կարող է հանվել։
Ադրբեջանի հետ վերջնական խաղաղության պայմանգիր կնքելու ու Արցախն Ադրբեջանի կազմում լինելու դեպքում էլ՝ և Արցախն է դադարելու հայկական լինել, և Սյունիքն է դադարելու անչափ կարևոր «սեպ»-ի դեր խաղալ պանթուրքիզմի ծրագրերի խոչընդոտման համար։
Կապիտուլյանտները կգնան այս քայլերին, բայց աթոռ կորցնելու վախը նրանց համար լուրջ կատեգորիա է։
Այդ դավադիր պլանի իրագործումն առայժմ թույլ չեն տալիս ՌԴ-ն ու Իրանը։
Բայց ցանկացած հարմար պահի թուրքերը նիկոլիստների օգնությամբ կարող են գնալ այս քայլին։
Պետք է գիտակցել, որ այս բարդ աշխարհաքաղաքական պայմաններում ՌԴ-ի ու Իրանի շահերը համընկնում են հայկական շահերի հետ։
Դա կարող է ընկալել բացառապես պետականակենտրոն իշխանությունը, որը դժբախտաբար Հայաստանում գոյություն չունի»։