Արցախցին թափ տվեց իրեն ու ոտքի կանգնեց, և այստեղ՝ Երևանում, Գյումրիում, Բերդում,Վանաձորում, ամենուրեք մենք ևս պարտավոր ենք ոտքի կանգնել և չծնկել

Արցախում հանրահավաքը և ԱԺ արտահերթ նիստը զուտ հերթական միջոցառումներ չէին, իրականում կատարվեց այն, ինչ, թերևս պետք է լիներ 2020-ի նոյեմբերի 9-ի կապիտուլյացիոն հայտարարությունից հետո․․․ Սակայն, հասկանալի է, երկիրը արնաքամ էր, շփոթված, անթաղ դիեր, թշնամուն հանձնված/ անգամ, որոշ տարածքներ/առանց կռվի տարածքներ․․․ Եվ, ահա, արցախցին թափ տվեց իրեն ու ոտքի կանգնեց, և այստեղ՝ Երևանում, Գյումրիում, Բերդում,Վանաձորում, ամենուրեք մենք ևս պարտավոր ենք ոտքի կանգնել և չծնկել , տուն չգնալ այնքան ժամանակ, քանի դեռ չենք հասել մեր նպատակին՝ Արցախի անվտանգություն, կարգավիճակ, Արցախի ժողովրդի ինքնորոշման իրավունքի իրականացում և՝ ներքին թշնամուց երկրի ազատագրում․․․ Սա ասում եմ առանց էմոցիայի, շատ իրատեսական և սառնասրտորեն, հասկանալով, որ հեշտ չի լինելու, հասկանալով, որ դժվար է լինելու, հոգու եւ մարմնի անասելի տառապանքով, բայց, և՝ անսասան ու պինդ․․․

Հասկանալի է, Արցախի վերածնունդը ադրբեջանում և մեր երկրի այլ թշնամիների համար ընդունելի չի կարող լինել, հասկանալի է, որ սպասվում է պայքար, հասկանալի է, որ մեր ժողովուրդը հետայսու թևակոխեց մի նոր շրջան ու այս անգամ՝ կամ հաղթելու ենք վերջնականապես, կամ՝ կորցնելու ենք Արցախն ու երկիրը՝ ամբողջությամբ․․․ Եվ, հասկանալի է, որ այս իրավիճակում դիվանագետները լիքը անելիք ունեն, իրական դիվանագետները և ոչ «վերելակային խամաճիկները»։ Հավատում եմ, որ մենք կհաջողնենք․․․ Հավատում եմ և պատրաստ եմ պայքարի ցանկացած ձևի՝ խոսքից մինչեւ գործ․․․ Ու եթե քաղաքական ուժերը, մտածող այրերը, հասարակության էլիտան, գիտնականները, ուսուցիչները, մտավորականները, ուսանողներն ու աշակերտները, ծերերն ու մանուկները սա գիտակցում են, ուրեմն՝ մեր դեմ ոչ մի լածիրակ չի կանգնելու․․․ Դրանք վախկոտ են եւ մորթապաշտ․․․ Լրջանալ, սթափվել, գիտակցել պահի կարեւորությունը եւ ԳՈՐԾԵԼ․․․ Սկսում ենք նոյեմբերի 5-ից․․․

31․10․2022

Մարգարիտ Եսայանի ֆեյսբուքյան էջից