Բելառուսում հակաահաբեկչական գործողության ռեժիմ է սահմանվել
Բելառուսի ԱԳՆ ղեկավար Վլադիմիր Մակեյը հայտարարել է, որ երկրում հակաահաբեկչական գործողության ռեժիմ է մտցվել իբր սահմանին նախապատրաստվող սադրանքների պատճառով։ «Իզվեստիա»-ին տված հարցազրույցում նա ընդգծել է, որ այս մասին տեղեկատվությունը ազդել է որոշման վրա։
«Մեր երկրի ղեկավարը մի շարք հանդիպումներ է անցկացրել իրավապահ մարմինների հետ, սահմանվել է հակաահաբեկչական գործողության ռեժիմ»,- ասել է նա։
Դիվանագիտական գերատեսչության ղեկավարի խոսքով՝ ծրագրված սադրանքները կարող են կապված լինել երկրի տարածքի մի մասի զավթման հետ։ Աշխարհը, ինչպես ափսոսանքով նշել է Մակեյը, դարձել է անկանխատեսելի, և փաստ չէ, որ կարելի է վստահել Կիևի հայտարարություններին Բելառուսի տարածքի նկատմամբ պահանջներ չունենալու մասին։
Ավելի վաղ Բելառուսի ՊԱԿ-ը տեղեկություն էր ստացել հանրապետության տարածքում ահաբեկչությունների նախապատրաստման մասին։ Ինչպես հայտնել են գերատեսչությունում, ահաբեկչական խմբավորումներին աջակցում են Արևմուտքի հետախուզական ծառայությունները։
