Լուկաշենկոն կոչ է արել ԵԱՏՄ երկրներին միավորվել և հանդես գալ որպես միասնական ճակատ
Եվրասիական տնտեսական միության երկրները պարզապես պարտավոր են միավորվել և հանդես գալ որպես միասնական ճակատ։ Այս մասին հայտարարել է Բելառուսի նախագահ Ալեքսանդր Լուկաշենկոն Եվրասիական տնտեսական բարձրագույն խորհրդի նիստում, հայտնում է «Բելտան»։
«Մեր հանդիպումն ընթանում է աշխարհաքաղաքական և տնտեսական բարդ պայմաններում: Բայց մեզ հաջողվեց հաջողությամբ կասեցնել խնդիրները դրամավարկային և ֆինանսական շուկայում: Այնուամենայնիվ, պատժամիջոցների ճնշումը ոչ թե թուլանում է, այլ ընդհակառակը, ուժեղանում է»,- ասել է Ալեքսանդր Լուկաշենկոն:
Բելառուսի ղեկավարը նշել է, որ հաշվի առնելով տնտեսության գլոբալ բնույթը և այն, որ Ռուսաստանը ԵԱՏՄ երկրների ամենամեծ առևտրատնտեսական գործընկերն է, պատժամիջոցների հետևանքները այս կամ այն չափով կազդեն միության բոլոր անդամների վրա։
