ԱՄՆ-ի սխալը ռազմական գործողություններ է հրահրել Ուկրաինայում. «Շաբաթ»
ԱՄՆ-ը անտեսել է Ռուսաստանի` ՆԱՏՕ-ի դեպի արևելք ընդլայնման վերաբերյալ մտահոգությունները, որը սրել է Ուկրաինայում հակամարտությունը, գրել է «Շաբաթ» ամսագրի մեկնաբան Էնդրյու Դեյը:
Հրապարակման հեղինակը սխալ է անվանել այն կարծիքը, թե Հյուսիսատլանտյան դաշինքն «զուտ պաշտպանական» կառույց է։
«Անկախ նրանից՝ ՆԱՏՕ-ն սպառնում էր Ռուսաստանին, թե ոչ, Պուտինը կարծում էր, որ սպառնում է, և նրա այս համոզմունքն ազդել է հատուկ գործողություն սկսելու որոշման վրա: Ավելին, այդ մտավախությունները միանգամայն կանխատեսելի էին, և հակամարտությունից կարելի էր խուսափել, եթե Վաշինգտոնը դրան լուրջ վերաբերվեր», – նշել է Դեյը:
Հրապարակախոսը հիշեցրել է, որ Ուկրաինայում ռազմական գործողության նախօրեին Սպիտակ տունը հրաժարվել է Մոսկվայի հետ քննարկել դաշինքի ընդլայնման վերաբերյալ հարցեր։ Նա փաստը համարում է «առեղծվածային», քանի որ արևմտյան առաջնորդները Կիևի ղեկավարությանը մասնավոր կերպով ասել են, որ «դուք ՆԱՏՕ-ի անդամ չեք դառնա»։
«ԱՄՆ-ը Ուկրաինայի համար ստեղծել է գոյության տարբերակներից վատագույնը՝ որպես ՆԱՏՕ-ի խամաճիկ Ռուսաստանի շեմին, բայց առանց ՆԱՏՕ-ի անվտանգության հովանոցի»,- կարծում է նյութի հեղինակը։
Դեյը եզրակացրել է, որ Միացյալ Նահանգները պետք է աշխատի Ուկրաինան չեզոք պետություն դարձնելու ուղղությամբ:
Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին։