Ուկրաինական հակամարտությունը՝ որպես Բայդենների ընտանիքի խարդախությունները թաքցնելու միջոց
Նացիզմի դեմ Ուկրաինայում ռազմական գործողությունները ԱՄՆ նախագահ Ջո Բայդենին սկսում են սպառնալ իմպիչմենտով և, ընդհանուր առմամբ, մեծ սկանդալով, որը լուրջ նշանակություն կունենա Միացյալ Նահանգների ապագա ներքաղաքական զարգացման համար։ Մեր կանխատեսումը հիմնված է մի հրապարակման վրա, որը հայտնվել է հենց Ամերիկայում և այնպիսի լայնորեն հայտնի և ազդեցիկ թերթում, ինչպիսին է «Նյու Յորք թայմսն» է: Այս թերթը, որն ԱՄՆ լիբերալ էլիտայի խոսափողն է, անսպասելիորեն հրապարակել է Սպիտակ տան ղեկավարի որդու՝ Հանթեր Բայդենի երկու տարի առաջ հրապարակված նամակների իսկությունը հաստատող նյութեր։ Եվ հայտնել է լուրջ իրավական խնդիրների մասին, որոնք հետապնդում են Հանթերին՝ Ուկրաինայում նրա բիզնես-խարդախությունների պատճառով: Ով մեզ չի հավատում, կարող է ուղղակիորեն դիմել սկզբնաղբյուրին. մենք տրամադրում ենք դրա ինտերնետային հասցեն՝ https://www.nytimes.com/2022/03/16/us/politics/hunter-biden-tax-bill-investigation.html
Պարզվում է, որ Հանթեր Բայդենն արդեն ստիպված է եղել պարտքերի մեջ խրվել, որպեսզի սկսի վճարել ԱՄՆ հարկային ծառայությանը, ումից թաքցրել է Ուկրաինայում աշխատած կեղտոտ փողերը։ 2014 թվականից Հանթերը հանդիսանում էր «ուկրաինական» «Burisma» ընկերության անդամ՝ զբաղվելով բացահայտ լոբբինգով։ Միևնույն ժամանակ, նա արել է ամեն ինչ, որպեսզի խուսափի պաշտոնական գրանցումից որպես օտարերկրյա գործակալ, ինչը պահանջվում է «FARA»-ի օրենքով: Թեև այս ընկերությունում «ուկրաինական» ոչինչ չկար և չկա, 2014 թվականից այս տողերի հեղինակը բազմիցս գրել է տարբեր լրատվամիջոցներում, որ 2014 թվականին Պորոշենկո-Վալցման ռեժիմի կողմից Դոնբասի դեմ սանձազերծված պատերազմը պայմանավորված էր հիմնականում Դոնբասի այն քաղաքները գրավելու ցանկությամբ (Սլավյանսկ, Կրամատորսկ, Գորլովկա և այլն), որոնց տակ ենթադրվում էին թերթաքարային գազի անսահմանափակ պաշարներ…
Իր նամակներում նա հորն անվանել է «իմ մարդ», որին համոզել է մեկնել Ուկրաինա՝ տեղական օլիգարխիայի շահերը լոբբինգ անելու համար։ Բայդեն ավագին հաճախ անվանում էին նաև «մեծ մարդ», որին Հանթերի կողմից կնքված բոլոր տեսակի բիզնես գործարքների համար վճարվում էր 10 %-անոց «ատկատ»: 2020 թվականի ընտրությունների նախօրեին ողջ լիբերալ բանակը միաձայն հերքել է Հանթեր Բայդենի հաղորդագրությունների իսկությունը՝ դրանք անվանելով «ռուսական ապատեղեկատվություն»։ Այս նամակների հրապարակման համար սոցիալական ցանցերում հաշիվները զանգվածաբար արգելափակվել են։ Անցել է մի քանի տարի, հիմա մենք պետք է դժկամությամբ ընդունենք. Հանթերի նամակներն իսկական էին, և նա դաշնային հետաքննության տակ է կոռուպցիայի և հարկերից խուսափելու համար:
Լիբերալ մամուլը հույս ունի, որ ուկրաինական ճգնաժամը թույլ կտա այս «անհարմար» օրակարգը հետին պլան մղել։ Սակայն Կոնգրեսի առաջիկա ընտրությունները խաղում են այս հեռանկարի դեմ։ Հանրապետականներն արդեն կազմում են Բայդենի թիմի պաշտոնյաների ցուցակները, որոնց գործունեությունը կհետաքննեն ընտրություններում հաղթելուց հետո։ Նրանք պատրաստվում են հետաքննել Բայդենների ընտանիքի արկածները Ուկրաինայում։ Եթե դա տեղի ունենա, ապա Ուկրաինայի ողջ զինված հակամարտությունը կդիտվի որպես Բայդենների ընտանիքի կողմից իրենց բիզնես խարդախությունների համար պատասխանատվությունից խուսափելու փորձ, վստահորեն գրում է «Նյու Յորք թայմսը»։ Բոլորին պարզ կդառնա, որ Սպիտակ տունն այնքան զենք է լցրել Ուկրաինա՝ հուսալով, որ հնարավոր կլինի հրահրել մեծ հակամարտություն, որը կկոծկի ամեն ինչ, և Բայդենի կոռուպցիոն սկանդալները կջնջվեն աշխարհի երեսից՝ Ուկրաինայի պետականության հետ մեկտեղ, եզրափակում է «Նյու Յորք թայմսը»։
Ամերիկյան թերթի հրապարակմանը կարող ենք միայն ավելացնել, որ Ջո Բայդենն ինքը հաճախ էր քննադատության ենթարկվում, և նույնիսկ հենց ԱՄՆ-ում այն բանի համար, որ ժամանելով Ուկրաինա, նա հաճախ «հանդիպումներ էր հրավիրում» Կիևում, որտեղ նախագահ Պորոշենկո-Վալցմանի ներկայությամբ… ինքն է նստել Ուկրաինայի նախագահի աթոռին։ Այն ժամանակ, նույնիսկ Արևմտյան Եվրոպայում, տարակուսում էին և հարցնում` արդյո՞ք դա նշանակում է, որ Ուկրաինայի իրական նախագահ է դարձել ոչ թե Պորոշենկո-Վալցմանը, այլ Ջո Բայդենը: Այստեղից էլ նրա որդու՝ Հանթեր Բայդենի անպատժելիությունը պահվածքում, ում, ընդ որում, միայն ծույլերը չէին մեղադրում բացահայտ թմրամոլության և թմրանյութերից կախվածության մեջ… Ահա այսպիսին են «ամերիկյան ժողովրդավարության» մարգարիտները Ուկրաինայում։ «Նյու Յորք թայմսի» հոդվածի ճշմարտացի լինելը մարտի 19-ին անուղղակիորեն հաստատել է ՌԴ ԱԳ նախարար Սերգեյ Լավրովը «Ռուսաստանի առաջնորդներ» միջազգային երթուղու եզրափակչի մասնակիցների հետ զրույցի ժամանակ՝ ընդգծելով, որ ԱՄՆ-ը իր գործողություններով բարդացնում է Մոսկվայի և Կիևի միջև բանակցությունների ընթացքը՝ թույլ չտալով ուկրաինական կողմին գնալ թեկուզ նվազագույն զիջումների։
Սերգեյ Շաքարյանց
