Լավրովը Զելենսկիին հրավիրել է Ռուսաստան բանակցությունների
Երկկողմ հարաբերությունները քննարկելու նպատակով Ռուսաստանը պատրաստ է ընդունել Վլադիմիր Զելենսկիին Մոսկվայում, Պետերբուրգում կամ Սոչիում։ Այս մասին ասել է ՌԴ արտաքին գործերի նախարար Սերգեյ Լավրովը։
«Եթե Զելենսկին ցանկանում է քննարկել երկկողմ հարաբերությունների կարգավորման հարցը, ապա մենք պատրաստ ենք։ Խնդրեմ, թող ժամանի Մոսկվա, Սոչի կամ Պետերբուրգ, տեղանքի հարցում կպայմանավորվենք»,- ասել է Լավրովը։
«Բայց , եթե նա ուզում է քննարկել Դոնբասի հարցը, դիմեք խնդրում եմ կոնտակտային խմբին, որտեղ, ըստ Նորմանդական ֆորմատի որոշման, պետք է ուղիղ դիտարկվեն Կիևի և Դոնեցկի, Կիևի և Լուգանսկի կարգավորման հարցերը։ Իսկ երբ նա հայտարարում է, որ չի պատրաստվում նրանց հետ խոսել, դա շատ վատ է։ Դա վատ է ներուկրաինական ճգնաժամի համար, իսկ եթե նա ասելիք ունի մեր հարաբերությունների համար և Կիևի կողմից արված քայքայիչ քայլերը վերականգնելու ուղղությամբ, ապա մենք պատրաստ ենք քննարկման»,- հավելել է Լավրովը։
Ավելի վաղ Կրեմլից հայտնել էին, որ ՌԴ նախագահ Վլադիմիր Պուտինը պատրաստ է Զելենսկիի հետ քննարկել երկկողմ հարաբերությունների կարգավորման հարցը, բայց չի պատրաստվում քննարկման նստել Զելենսկիի հետ, Դոնբասում կոնֆլիկտի կողմերի կարգավիճակում։
