Հրթիռային հարձակում Բաղդադի օդանավակայանի մոտ գտնվող ամերիկյան ռազմաբազայի վրա
Իրաքյան աղբյուրները հաղորդել են, որ Բաղդադի միջազգային օդանավակայանի մոտ գտնվող Վիկտորիա ամերիկյան բազայի ուղղությամբ արձակվել է առնվազն չորս հրթիռ:
Parstoday-ի տեղեկացմամբ, հրթիռային հարվածից հետո բազայում միացել է տագնապի ազդանշանը:
Ըստ Բաղդադի և Վաշինգտոնի կառավարությունների միջև կնքված համաձայնագրի՝ ամերիկյան ուժերը պետք է լքեին Իրաքը մինչև 2021թ. դեկտեմբերի 31-ը: Սակայն Սպիտակ տունը հայտարարեց, որ Իրաքում ամերիկյան ուժերի առաքելությունը ռազմականից փոխվել է խորհրդատվականի և այդ երկրում կշարունակեն մնալ որոշակի թվով ամերիկացի զինվորներ: