Վախճանվել է հայ կատարողական արվեստի սյուներից մեկը՝ Մեդեա Աբրահամյանը
Վախճանվել է հայ կատարողական արվեստի սյուներից մեկը՝ Մեդեա Աբրահամյանը։ Այս մասին գրել է օպերային երգչուհի, սոպրանո Հասմիկ Պապյանը։
«Նա հայ կնոջ հավաքական կերպար էր, իրենով համարձակ ներկայանում էինք աշխարհին։ Ափսո՜ս, որ նոսրանում է մեզ շրջապատող իրական Մեծերի շարքը…»,-գրել է Հասմիկ Պապյանը։
Թավջութակահարուհի, ՀԽՍՀ ժողովրդական արտիստ Մեդեա Աբրահամյանը 88 տարեկան էր։
Նրա նվագացանկում ընդգրկված է եղել թավջութակի ավելի քան 300 ստեղծագործություն, որոնցից շուրջ 120-ը գրված է եղել հենց իր համար և նվիրվել է նրան։ Նրա անունը դարձել է դասական կատարողական արվեստի խորհրդանիշ։ 1956 թվականից մինչև 1990-ական թվականների վերջը եղել է Հայֆիլհարմոնիայի մենակատարը։
