Քուչակ Նիգավան ճանապարհահատվածում բուք է, Աշոցք և Արագած թույլ ձյուն է տեղում
ՀՀ ՏԿԵՆ «Ճանապարհային դեպարտամենտ» ՊՈԱԿ-ը տեղեկացնում է, որ փետրվարի 24-ին՝ ժամը 09։30-ի դրությամբ‚ Աշոցքի և Արագածի տարածաշրջաններում թույլ ձյուն է տեղում։
Քուչակից մինչև Նիգավան ճանապարհահատվածում բուք է։
Սևանի կղզուց մինչև Ծովագյուղի խաչմերուկ, Գորիս-Սիսիան, Գորիս-Շուռնուխ, Վանաձոր-Դիլիջան ավտոճանապարհներին և Ստեփանավանի ոլորաններում տեղ-տեղ մերկասառույց է։
Վարդենյաց լեռնանցքը դժվարանցանելի է կցորդիչով տրանսպորտային միջոցների համար։
Թթուջուր-Նավուր ավտոճանապարհը փակ է բոլոր տեսակի տրանսպորտային միջոցների համար։
Միջպետական և հանրապետական նշանակության մյուս ավտոճանապարհները բաց են:
Ճանապարհաշինարարներն ավտոճանապարհներին կատարում են մաքրման և աղով, ավազով մշակման աշխատանքներ:
Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել բացառապես ձմեռային անվադողերով: