ԱՄՆ-ի և Իսրայելի ՊՆ ներկայացուցիչները հնարավոր է նախապատրաստվում են Իրանի միջուկային օբյեկտների ոչնչացմանը
Reuters-ի փոխանցմամբ՝ ամերիկացի պաշտոնյան, արտահայտելով Վաշինգտոնի և Թել Ավիվի հավակնոտ նկրտումները, ասել է. «ԱՄՆ-ի և Իսրայելի պաշտպանության նախարարության ներկայացուցիչները պատրաստվում են այսօր քննարկել դիվանագիտական բանակցությունների ձախողման դեպքում Իրանի միջուկային օբյեկտները ոչնչացնելու ռազմական գործողությունները»: Գրում է parstoday.com-ը:
Իսրայելի պաշտպանության նախարար Բենի Գանցի հետ ԱՄՆ-ի ծրագրած բանակցությունները կայացել են որպես Պենտագոնի ղեկավարների հոկտեմբերի 25-ին կայացած ճեպազրույցի շարունակություն, որին ներկայացվել է Իրանի միջուկային առաջընթացին հակազդելու առկա ռազմական տարբերակների ողջ շրջանակը։
Ամերիկացի բարձրաստիճան պաշտոնյան, գաղտնի մնալու պայմանով, ասել է. «Իրանը հերքում է միջուկային զենք ստեղծելու ցանկացած փորձ և ասում է, որ ցանկանում է միջուկային էներգիան օգտագործել խաղաղ նպատակներով: Ջո Բայդենը հուսով է, որ Միացյալ Նահանգները կարող է վերադառնալ 2015 թվականի միջուկային համաձայնագրին, որից Դոնալդ Թրամփը հրաժարվել էր»:
Ամերիկացի պաշտոնյան այլ մանրամասներ չի հայտնել ԱՄՆ-ի և սիոնիստական ռեժիմի միջև համատեղ զորավարժությունների շուրջ իր հայտարարության մասին: Նա նաև հայտարարել է, որ Իրանի միջուկային ծրագրի առաջընթացը դուրս է գալիս ԱՄՆ-ի և արևմտյան երկրների տրամաբանությունից։
Ենթադրվում է, որ իրանական միջուկային բանակցությունների նոր փուլին կմասնակցեն եվրոպական երկրների ներկայացուցիչները՝ այսպես կոչված 4 + 1 խումբ: Եվ մինչ ԱՄՆ և սիոնիստ պաշտոնյաներն ասում են, որ հնարավոր է ռազմական հարված հասցնել Իրանին, Իսրայելի նախկին վարչապետներ Էհուդ Բարաքն ու Էհուդ Օլմերտը վերջերս խոստովանել են, որ Թել Ավիվն ու Վաշինգտոնն ի վիճակի չեն հարձակվել Իրանի վրա և միայն փորձում են սպառնալ Թեհրանին՝ ստիպելու երկրին ընդունել իրենց պահանջները։
ԱՄՆ-ի և Սիոնիստական ռեժիմի գլխավորությամբ արևմտյան երկրները վերջին տարիներին Իրանին մեղադրել են միջուկային ծրագրում ռազմական նպատակներ հետապնդելու մեջ: Թեհրանը կտրականապես հերքել է այդ մեղադրանքները։
Իրանն ընդգծում է, որ որպես Միջուկային զենքի չտարածման պայմանագրի և Ատոմային էներգիայի միջազգային գործակալության անդամ, իրավունք ունի ձեռք բերել և տեղակայել միջուկային տեխնոլոգիաներ խաղաղ նպատակներով։
Ատոմային էներգիայի միջազգային գործակալության տեսուչները մի քանի անգամ այցելել են Իրանի միջուկային օբյեկտներ, սակայն որևէ ապացույց չեն գտել, որ խաղաղ միջուկային ծրագիրը շեղվում է դեպի ռազմական նպատակներ: