Առողջապահության նախարարությունը և Yandex.Go-ն որոշել են մեկտեղել ջանքերը․ կնքվել է հուշագիր
ՀՀ առողջապահության նախարարությունը հայտնում է․
«Նոր գործընկերություն՝ ուղղված կորոնավիրուսի տարածման կանխարգելմանը
Կորոնովիրուսային հիվանդության (COVID-19) տարածման կանխարգելմանն ուղղված պետություն-մասնավոր հատված գործընկերային շրջանակն ընդլայնվում է․ Առողջապահության նախարարությունը և Yandex.Go ծառայությունը կնքել են գործակցության հուշագիր:
Կողմերը նպատակ ունեն բարձրացնել COVID-19-ի տարածման դեմ իմունականխարգելման գործընթացի արդյունավետությունը նաև ծառայությունների տրամադրման ոլորտում։
Կարևորելով հատկապես պատվաստումների դերը՝ Առողջապահության նախարարությունը և Yandex.Go-ն որոշել են մեկտեղել ջանքերը՝ հանրության իրազեկման մակարդակը բարձրացնելու և հանրային իմունիտետի ձևավորմանը նպաստելու գործում։
Շնորհակալ ենք մեր գործընկերոջը՝ պայքարի կարևորագույն շղթայի մաս կազմելու համար»։
