Արցախում քաղաքացին մոլորվելով անցել է ադրբեջանական վերահսկողության տակ գտնվող հատված. Ռուս խաղաղապահների միջամտությամբ անձը վերադարձվել է հայկական կողմին
Մարդու իրավունքների պաշտպանի աշխատակազմի կողմից հավաքագրված տեղեկատվության համաձայն՝ հուլիսի 22-ին Ասկերանի շրջանի Այգեստան համայնքի բնակիչներից մեկը Խրամորթ համայնքի հատվածում, տեղանքում մոլորվելով, անցել է ադրբեջանական վերահսկողության տակ գտնվող հատված:
Ռուս խաղաղապահների միջամտությամբ անձը վերադարձվել է հայկական կողմին:
Նրա կյանքին և առողջությանը վտանգ չի սպառնում:
Արցախի ՄԻՊ Գեղամ Ստեփանյան
