Եկել է համախմբվելու, վաղվա օրվա մասին մտածելու ժամանակը․ ՀՀ ԶՈՒ պահեստազորի սպաների «Հայրենիքի Վահան» միություն
Հարգելի՛ զինակիցներ,
ՀՀ ԶՈՒ պահեստազորի սպաների «Հայրենիքի Վահան» միությունը շուրջ 8 ամիս է, ինչ նախաձեռնել և կազմակերպում է զինվորական ծառայության ընթացքում չօգտագործված արձակուրդների և հանգստյան օրերի դիմաց դրամական փոխհատուցում ստանալու գործընթացը:
Այդուհանդերձ, Միության գերակա խնդիրներն են.
– պահեստազորի սպաների բարեկեցիկ կյանքի ապահովումը,
– մատաղ սերնդի ռազմահայրենասիրական դաստիարակությունը,
– հզոր բանակ և կրթված սպայակազմ ունենալը,
– մեր հայրենիքի անվտանգությանն ու հուսալի պաշտպանությանը նպաստելն ու համակողմանի աջակցելը:
Տարօրինակ է, որ մեզանում կան այնպիսի պահեստազորայիններ, որոնք մտահոգված են իրենց սառնարանների պարունակությամբ և լոկ հանապազօրյա հացի հայթայթման խնդրով, մինչդեռ օր օրի առերեսվում ենք անհայրենիք գաղթական դառնալու վտանգին։ Այսպես շարունակվելու դեպքում մեր ապագա սերունդների հարցերին չենք ունենալու հստակ պատասխաններ, ամաչելու ենք մեր հանցավոր անտարբերության և քայլեր չձեռնարկելու համար:
Հարգելի՛ ընկերներ,
Եկել է համախմբվելու, վաղվա օրվա մասին մտածելու ժամանակը։
Պահեստազորի այն զինծառայողները, ովքեր ցանկանում են Անվտանգ Հայրենիք և Հզոր բանակ ունենալ, շահագրգռված են պահեստազորի սպաների բարեկեցիկ կյանքն ապահովելու հարցում, կարող են այցելել մեր գրասենյակ, աշխատանքային օրերին.
ժամը 11։00 – 17։00; իսկ շաբաթ և կիրակի ժամը 12։00 – 14։00։
Հրավիրում ենք նաև նրանց, ովքեր մտահոգված են իրենց առօրյա, կենցաղային խնդիրներով։ Կաշխատենք հնարավորինս օգտակար և համոզիչ լինել բոլորի համար:
Մեր հասցեն է`
ք.Երևան,
Ուլնեցի փողոց 31/1:
Հարցերի դեպքում զանգահարել 091192930, 093192930։
ՀՀ ԶՈՒ պահեստազորի սպաների
«Հայրենիքի Վահան» միություն