Երևան ժամանած իսպանացի կոնգրեսականը կոչ է արել Թուրքիային դուրս շպրտել ՆԱՏՕ-ի կազմից (տեսանյութ)
Իսպանիայի Կոնգրեսի պատգամավոր Ջոն Ինյարիտուն, որն այս օրերին ադրբեջանաթուրքական ագրեսիայի հետևանքներին ծանոթանալու համար իսպանացի խորհրդարանականների և լրագրողների պատվիրակության կազմում գտնվում է Հայաստանում, իր թվիթերյան էջում կոչ է արել Թուրքիային դուրս հանել ՆԱՏՕ-ի կազմից։
«Մեր դեմ արգելված զինատեսակ է օգտագործվում, իսկ աշխարհը լռում է այս մասին։ Ինչո՞ւ արևմտյան տերությունները Թուրքիային դուրս չեն շպրտում ՆԱՏՕ-ից»,- գրել է նա։
Քաղաքական գործիչը գրառմանը կից հրապարակել է նաև մի տեսանյութ, որում հարազատների կողքին նստած մի հայ ծերունի կոչ է անում Թուրքիային դուրս բերել ՆԱՏՕ-ի կազմից և թույլ չտալ այդ երկրին իրագործել նախնիների պանթուրքական երազանքը։
Artsakh-eko (#NagornoKarabakh) errefuxiatu batzuekin.
“Debekatutako armak erabiltzen ari dira gure aurka eta Munduak ez du deus esaten”.
“Zergatik Mendebaldeko estatuek ez dute Turkia NATOtik botatzen?”#StrongArtsakh pic.twitter.com/sbwGIUBc3Y
— Jon Inarritu (@JonInarritu) November 1, 2020
