Դիմորդները բուհ ընդունվելու համար կհանձնեն մեկ քննություն. Ժաննա Անդրեասյան
Բուհերի ավարտական պետական քննությունների անցկացման ձևը կընտրեն ուսումնական հաստատությունները ակադեմիական ազատության սահմաններում: Այս մասին այսօր կառավարության մամուլի կենտրոնում ասուլիսի ժամանակ ասաց ԿԳՄՍ փոխնախարար Ժաննա Անդրեասյանը: Քննությունները պետք է անցկացվեն առցանց գործիքների կիրառմամբ՝ հաշվի առնելով կորոնավիրուսի համավարակի պայմանները: Գործընթացը պետք է ավարտվի մինչև հուլիսի 1-ը:
«Դիմորդները բուհ ընդունվելու համար կհանձնեն մեկ քննություն: Այդ քննությունների ցանկը, ըստ մասնագիտությունների, կհայտարարվի ապրիլի 30-ին: Ընտրվող քննությունը լինելու է տվյալ մասնագիտութան համար նախատեսված քննություններից որևէ մեկը: Բուհերի հայտագրման գործընթացը միավորվել է դիմում-հայտերի լրացման գործընթացի հետ որպես միասնական գործընթաց:
Հայտագրման գործընթացը կսկսվի մայիսի 25-ին և կավարտվի հունիսի 15-ին: Հայտագրումը կիրականացվի էլեկտրոնային եղանակով»,- պարզաբանել է ԿԳՄՍ փոխնախարարը: