Հայաստանում Սերժ Թանկյանի համերգը 1,2 միլիոն դոլար է արժեցել. այն հովանավորել է հայտնի գործարար
2015 թվականին Հանրապետության հրապարակում Սերժ Թանկյանի ու իր խմբի համերգն արժեցել է 1,2 միլիոն դոլար: Այս մասին ֆեյսբուքյան էջում հրապարակած «Requiem 8. Սփյուռքը և Ցեղասպանությունը» վերտառությամբ տեսանյութում հայտարարել է Սուրբ Աթոռում ՀՀ նախկին դեսպան Միքայել Մինասյանը։
Մինասյանը հայտնեց, որ այդ գումարը վճարել է հայազգի գործարար Ալբերտ Ավդոլյանը, ով Հայաստանի համար մի շարք կարևոր միջոցառումներ է ֆինանսավորել:
Միքայել Մինասյանը նաև նշեց, որ բոլորի մոտ տպավորություն է, թե այդ համերգը Սերժ Թանկյանի կողմից նվեր է եղել Հայաստանին, սակայն իրականում դա եղել է նվեր Ավդոլյանի կողմից, ով նաև ֆինանսավորել է System of Down խմբի անդամների՝ այդ թվում Սերժ Թանկյանի ծախսերը։
