Ֆրանսիայում անnմալ շոգի պատճառով մեկ շաբաթվա ընթացքում մաhացել է ավելի քան երկու հազար մարդ
Հունիսի 22-ից 28-ը Ֆրանսիայում անոմալ շոգի պատճառով մահացել է ավելի քան 2 հազար քաղաքացի։ Այս մասին հայտնել է Ֆրանսիայի առողջապահության նախարար Ստեֆանի Ռիստը, հաղորդում է «ՌԻԱ Նովոստի»-ն:
«Այսօր առավոտյան Ֆրանսիայի առողջապահության նախարարությունը կհրապարակի հունիսի 22-ից 28-ն ընկած շաբաթվա ընթացքում մահացությունների թվի վերաբերյալ տվյալները, որը կազմում է մոտ 2,025 նոր մահվան դեպք», – ասել է Ռիստը։
Ֆրանսիայի առողջապահության նախարարը հավելել է, որ վերջերս տեղի ունեցած շոգի ժամանակ հանրապետությունում 45-ից բարձր տարիքի քաղաքացիների շրջանում մահացության ակնհայտ աճ է նկատվել։
Ֆրանսիան, ինչպես և Եվրոպայի մի շարք այլ երկրներ, վերջին օրերին պատված է անոմալ շոգով։ Ավելի վաղ երկրի օդերևութաբանական ծառայությունը դրա պատճառով եղանակային վտանգի ամենաբարձր մակարդակ էր սահմանել 96 դեպարտամենտներից 72-ում։ Սա նոր ռեկորդ է դարձել։ Ջերմաստիճանը մոտեցել է 40 աստիճանի նշագծին, իսկ որոշ վայրերում նույնիսկ գերազանցել է այն։
