Մենք ողջունում ենք Ադրբեջանի և Հայաստանի միջև հարաբերությունների կարգավորումը. Ղազախստանի նախագահ
Մենք ողջունում ենք ԱՄՆ նախագահի միջնորդությամբ Ադրբեջանի և Հայաստանի միջև հարաբերությունների կարգավորումը։
Այս մասին հայտարարել է Ղազախստանի նախագահ Կասիմ-Ժոմարտ Տոկաևը ՄԱԿ-ի Գլխավոր ասամբլեայի 80-րդ նստաշրջանի ընթացքում:
«Սա ապացուցում է, որ նույնիսկ երկարատև հակամարտությունները կարող են լուծվել դիվանագիտության և առողջ բանականության միջոցով։ Այս սկզբունքով առաջնորդվելով՝ Ղազախստանը մշտապես պաշտպանում է դիվանագիտությունը՝ հակամարտության փոխարեն, և երկխոսությունը՝ ուժի փոխարեն։
Ընթացիկ աշխարհաքաղաքական լարվածությունը երբեմն որոշ առաջնորդների դրդում է պնդել քաղաքակրթությունների բախման անխուսափելիության մասին։ Դա քաղաքական ընտրություն է», – նշել է Տոկաևը։
