Ադրբեջանա-իրանական հարաբերությունները զարգանում են հաջողությամբ․ Ադրբեջանի փոխվարչապետն Իրանում է
Իրանի Իսլամական Հանրապետության նախագահ Մասուդ Պեզեշկիանն ընդունել է Իրան այցելած Ադրբեջանի փոխվարչապետ Շահին Մուստաֆաևի գլխավորած պատվիրակությանը։
Ըստ Ադրբեջանի նախարարների կաբինետի մամուլի ծառայության՝ փոխվարչապետը Իրանի նախագահին է փոխանցել Ադրբեջանի նախագահ Իլհամ Ալիևի ողջույններն ու բարեմաղթանքները։
Հանդիպման ժամանակ նշվել է, որ երկու երկրների ղեկավարների կամքի և ուշադրության շնորհիվ ադրբեջանա-իրանական հարաբերությունները զարգանում են հաջողությամբ։
Հանդիպման ընթացքում շեշտվել է ամուր հիմքի վրա փոխշահավետ համագործակցության հետագա ընդլայնման և համատեղ նախագծերի իրականացման շարունակական կարևորությունը։
Իրանի նախագահ Մասուդ Պեզեշկիանը խնդրել է իր ջերմ ողջույնները փոխանցել Ադրբեջանի նախագահին։
