Լույս է տեսել «Արցախի Տիգրանակերտ. պատմամշակութային կերպարը հնագիտական հետազոտությունների լույսի ներքո» գիրքը
ԵՊՀ դասախոս, պատմական գիտությունների դոկտոր, պրոֆեսոր, պատմաբան և հնագետ Համլետ Պետրոսյանը գրում է․
«Ուրախ եմ հայտնել, որ լույս է տեսել «Արցախի Տիգրանակերտ. պատմամշակութային կերպարը հնագիտական հետազոտությունների լույսի ներքո» գիրքը, որն ամփոփում է քաղաքի վերաբերյալ աղբյուրագիտական ողջ տվյալներն ու հնագիտական հետազոտությունները։
Գիրքը հեղինակել են 21 հետազոտողներ Հայաստանից և արտերկրից։ Գիրքը հայերեն լեզվով է, հրատարակվել է ՀՀ Գիտությունների ազգային ակադեմիայի հնագիտության և ազգագրության ինստիտուտի կողմից, 360 էջ, 600 նկարազարդում, խմբագիր՝ Համլետ Պետրոսյան, մասնակցությամբ՝ Արմինե Գաբրիելյանի»։
