Քաղաքապետարանի կալանավորված աշխատակիցները շարունակում են աշխատավարձ ստանալ. Չախոյան
Հասարակական ակտիվ գործիչ Արթուր Չախոյանը գրում է.
«Մարտ ամսին մեծ աղմուկով ձերբակալեցին Երևանի քաղաքապետարանի բարձրաստիճան պաշտոնյաներին՝ Կոմունալ տնտեսության վարչության պետ Արսեն Կարոյանին և Հասարակական կարգի պահպանության ծառայության պետ Արամ Գյուլզադյանին։
Բայց, ահա՛, ըստ պաշտոնական գրության, պարզվում է, որ նրանք մինչ օրս չեն ազատվել աշխատանքից և հանգիստ շարունակում են ստանալ աշխատավարձ։ Օրինակ՝ Արամ Գյուլզադյանի աշխատավարձը կազմում է 697.000 դրամ։
Հիմա հարց եմ ուղղում հանրությանը
Եթե այս ձերբակալությունները «նախընտրական մասկի շոու» չեն, ապա ինչպե՞ս է լինում, որ ձերբակալվածներին չեն ազատում աշխատանքից և շարունակում են ստանալ աշխատավարձ՝ ձեր վճարած հարկերից»։
