ՌԴ-ում ազատ են արձակել ադրբեջանական համայնքի ղեկավարին

ՌԴ-ում ազատ է արձակվել հուլիսի 1-ին Եկատերինբուրգում բերման ենթարկված «Ադրբեջան-Ուրալ» կազմակերպության ղեկավար Շահին Շիխլինսկին: Շահին Շիխլինսկին ազատ է արձակվել որպես վկա հարցաքննությունից հետո:  Այս մասին գրում է РБК-ն:

Շիխլինսկին և նրա որդին ձերբակալվել էին հուլիսի 1-ին։ Սոցիալական ցանցերում տարածված տեսանյութերում երևում է, թե ինչպես են ՌԴ իրավապահները փորձում ձերբակալել նրան, երբ վերջինս փորձում էր մեքենայով հեռանալ։ Իրավապահները կոտրել էին նրա ավտոմեքենայի կողային ապակիները, ավտոմեքենայից դուրս էին հանել Շիխլինսկուն և նրա որդուն ու ձերբակալել։