Ամերիկյան ռազմաբազան Սիրիայում հարձակման է ենթարկվել. Mehr
Սիրիայի հյուսիս-արևելքում գտնվող Ալ-Հասաքա նահանգում գտնվող ամերիկյան ռազմաբազան հարձակման է ենթարկվել։ Այդ մասին հայտնում է իրանական Mehr պետական գործակալությունը՝ հղում անելով աղբյուրներին։
«Իրազեկ աղբյուրները երկուշաբթի օրը հայտնել են, որ հարձակման է ենթարկվել Սիրիայում ամերիկյան ռազմաբազան։ Աղբյուրները հայտնել են, որ հարձակման թիրախը եղել է Սիրիայի արևմտյան Ալ-Հասաքա նահանգի Կասրուկ շրջանում գտնվող ամերիկյան ռազմաբազան»,-ասվում է հաղորդագրության մեջ։
Հիշեցնենք, որ հունիսի 22-ի գիշերը ԱՄՆ-ը հարվածներ է հասցրել իրանական երեք միջուկային օբյեկտներին Նաթանզում, Ֆորդոյում և Սպահանում: Հարձակումը, ըստ Վաշինգտոնի, նպատակ ուներ ոչնչացնել կամ լրջորեն թուլացնել Իրանի միջուկային ծրագիրը:
