Գերմանիայի կանցլերը հայտարարել է, որ Նեթանյահուն իրեն տեղեկացրել է Իրանում Իսրայելի հարձակման մասին
Իսրայելի վարչապետ Բենիամին Նեթանյահուն ուրբաթ առավոտյան հեռախոսազրույցի ժամանակ Գերմանիայի կանցլեր Ֆրիդրիխ Մերցին տեղեկացրել է Իրանի վրա Իսրայելի հարձակման մասին, ասել է Մերցը հայտարարության մեջ։
«Իսրայելն ունի ինքնապաշտպանության իրավունք, և Իրանը չպետք է միջուկային զենք մշակի», – ասել է Գերմանիայի կանցլերը հայտարարության մեջ։
Մերցը կոչ է արել երկու կողմերին «զերծ մնալ լարվածության սրացումից»։
Der Spiegel-ը ուրբաթ օրը հաղորդել է, որ պարզ չէ, թե արդյոք Իսրայելը Գերմանիային զգուշացրել է Իրանի վրա հարձակման մասին նախքան դրա տեղի ունենալը։
