Հակաբակտերիային դեղերը ցուցված չեն գրիպի և սուր շնչառական վիրուսային վարակների բուժման համար․ ԱՆ
Գրիպի և սուր շնչառական վիրուսային վարակների բուժման համար ցուցված չէ hակաբակտերիային դեղերի կիրառումը: Հակաբակտերիային դեղերը շատ կարևոր են և կյանք փրկող, սակայն դրանք պետք է կիրառվեն միայն բժշկի ցուցումով։
Ըստ ՀՀ առողջապահության նախարարության՝ կարևոր է
- ձեզ նշանակված hակաբակտերիային դեղերը խորհուրդ մի՛ տվեք ուրիշներին,
- ինքնուրույն մի՛ ընդհատեք բժշկի կողմից հակաբակտերիային դեղերով նշանակված բուժումը,
- մի՛ օգտագործեք բուժման ավարտից հետո մնացած դեղերը և մի՛ փոխանցեք այլ մարդկանց, հակառակ դեպքում` վարակների բուժումը դժվարանում է կամ դառնում անհնար:
«Խնդրում ենք հետևել բժշկի խորհուրդներին և ցուցաբերել պատասխանատվություն»,- նշում են ԱՆ-ից։
