Դաշնային խորհրդի նախագահ Մատվիենկոն ծրագրում է 2025 թ․ այցելել Հայաստան
Ռուսաստանի Դաշնության Դաշնային խորհրդի նախագահ Վալենտինա Մատվիենկոն ծրագրում է Հայաստան այցելել 2025 թվականին։ Այս մասին Երևանում լրագրողներին ասաց Դաշնության խորհրդի փոխնախագահ, հայ-ռուսական միջխորհրդարանական հանձնաժողովի համանախագահ Յուրի Վորոբյովը, փոխանցում է ՏԱՍՍ-ը։
«Մենք ակնկալում ենք, որ հաջորդ տարի կլինի Դաշնային խորհրդի նախագահ Վալենտինա Մատվինենկոյի այցը այստեղ՝ Հայաստան»,- ասել է նա։
Նա նշել է նաև, որ պատրաստ են ակտիվ համագործակցության, ինչի մասին վկայում է այն, որ ՀՀ-ում ֆորումը երկրորդ անգամ է անցկացվում։
Յուրի Վորոբյովը հավելել է, որ հաջորդ տարի Դաշնային խորհրդի նախագահ Վալենտինա Մատվիենկոն այց պլանավորում է տարվա երկրորդ եռամսյակի սկզբին։
Վորոբյովը նաև տեղեկացրել է, որ Հայաստանի և Ռուսաստանի Դաշնության միջխորհրդարանական հանձնաժողովի հաջորդ նիստը տեղի կունենա Սոչիում և նվիրված կլինի Հայրենական մեծ պատերազմում տարած հաղթանակի 80-ամյակին։
