ԻՀՊԿ-ի ղեկավարն Իսրայելին խոստացել է «անպատկերացնելի հետևանքներ»
Իրանի Իսլամական հեղափոխության պահապանների կորպուսի (ԻՀՊԿ, Զինված ուժերի էլիտար ստորաբաժանումներ) հրամանատար Հոսեյն Սալամին խոստացել է, որ Իսրայելը կբախվի «իր համար անպատկերացնելի հետևանքների»՝ հանրապետության տարածքին հարվածներ հասցնելուն ի պատաս-ան։ Նրա հայտարարության տեքստը հայտնել է կորպուսի մամուլի ծառայությունը։
«Սիոնիստական արյունահեղ ռեժիմի անօրինական գործողությունները, որին երկրի հակաօդային պաշտպանությունը թույլ չտվեց հասնել իր բոլոր նպատակներին, ցույց են տալիս նրա հաշվարկների սխալն ու անզորությունը դիմադրության ուժերի դեմ պայքարում հատկապես Գազայում և Լիբանանում։ Իհարկե, այս արարքի դառը հետևանքներն աներևակայելի կլինեն օկուպանտների համար»,- գրել է Սալամին։
Իսլամական հեղափոխության պահապանների կորպուսի ղեկավարը նաև ցավակցություն է հայտնել իսրայելական հարվածի ժամանակ զոհված իրանցի զինվորների ընտանիքներին և շնորհակալություն հայտնել բոլոր նրանց, ովքեր մասնակցել են «սիոնիստական թշնամու օդանավի վերջին ագրեսիան» հետ մղելուն։
