Պետական պաշտոնյաները պարգևավճար են ստանում համընդհանուր բարօրության համար. Փաշինյան
Ոչ մեկը հարկ վճարելիս իր փողը ուրիշին չի տալիս, ընդամենը մի գրպանից դնում է մյուս գրպանը: Այս մասին այսօր՝ փետրվարի 23-ին, կառավարության նիստում հայտարարեց ՀՀ վարչապետ Նիկոլ Փաշինյանը:
«Պետական բյուջեից ծախսվող բոլոր միջոցները ծախսվում են համընդհանուր բարօրության համար: Հիմա կասեն՝ բա պետական պաշտոնյաներին պարգևավճարներ են տալիս: Դա էլ է նույն բանի համար, պետական պաշտոնյային վճարվում է նաև նրա համար, որ աշխատանքի ավելի բարձր չափանիշներ գործեն: Դատավորների, դատախազների, քննիչների աշխատավարձերը բարձրանում են նրա համար, որ մեր ժողովրդի ակնկալած արդարությունը հաստատեն Հայաստանում: Պարզ է, որ դա մեկ օրում չի լինելու: Բայց պետք է հասկանանք, որ այսօր դա չունենալու պատճառներից մեկն այն է եղել, որ 20-25 տարի օրենսդրությունը գործել է ու ոչ մեկի մտքով չի անցել, որ այդ հարկերը պետք է հավաքվեն: Կանոնը այդպես է եղել, որ ով կարող է հարկ չվճարել, պետք է չվճարի: Հարկ վճարողների վրա էլ չարախնդացել են: Հիմա տենց չի»,-ասաց Փաշինյանը:
