Հայկական կողմը դիմել է ՄՔԴ և ԵԽ Նախարարների կոմիտե՝ Լաչինի միջանցքում Ադրբեջանի ստեղծած խոչընդոտների հետ կապված
Հայկական կողմը դիմել է ՄՔԴ՝ պահանջելով պարտավորեցնել Ադրբեջանին հանել անցակետը և բետոնե պատնեշը Լաչինի միջանցքում։ Այս մասին տեղեկացրել է միջազգային իրավական հարցերի գծով ներկայացուցիչ Եղիշե Կիրակոսյանը Երևան-Ստեփանակերտ տեսակամրջի ժամանակ։
Կիրակոսյանը հիշեցրել է միջազգային դատական ատյանների հետ վարվող աշխատանքը և ՄԻԵԴ և ՄՔԴ արդեն ընդունված որոշումները։ Կիրակոսյանը միաժամանակ նշել է, որ նշյալ երկու դատարանների որոշումները Լաչինի միջանցքով անխոչընդոտ երթևեկելու մասին Ադրբեջանը չի կատարում։ «Առաջինն ընդունվել է ՄԻԵԴ միջանկյալ որոշումը, այն վերաբերում է անձանց որոշակի կարգի անխոչընդոտ տեղափոխմանը։ Դրա ընդունումից հետո ոչ մի փոփոխություն տեղի չի ունեցել, հակառակը, իրավիճակը էլ ավելի է վատացել։ Այդ ժամանակ պահանջ ներկայացվեց ՄՔԴ։ Դատարանը բավական օպերատիվորեն նիստ գումարեց, և փետրվարի 22-ին ընդունեց հայտնի որոշումը՝ Ադրբեջանին պարտավորեցնելով ձեռնարկել անձանց և բեռների անխոչընդոտ տեղափոխման բոլոր միջոցները։ Որոշումն ընդունվել է խտրականության բոլոր տեսակների վերացման կոնվենցիայի հիման վրա, ինչպես դիմել էր Հայաստանը։ Այսինքն՝ հստակ երևում է Բաքվի գործողությունների խտրական բնույթը։ Եվ նորից ոչ միայն դրական տեղաշարժ չեղավ, այլև իրավիճակը վատացավ, Ադրբեջանն անցակետ դրեց, բետոնե պատնեշներ»,- թվարկել է Կիրակոսյանը։ Նա տեղեկացրել է, որ մայիսի կեսին ներկայացվել է ևս մեկ պահանջ ՄՔԴ՝ անցակետը և խոչընդոտները հանելու վերաբերյալ։ Դատարան են ներկայացվել նոր ապացույցներ և տվյալներ հումանիտար վիճակի մասին։ Նամակագրությունը շարունակվում է, և մենք հույս ունենք, որ դատարանը չի ձգձի որոշումը։ Հույս ունենք, որ կընդունվի որոշում, և այն կկատարվի, ասել է Կիրակոսյանը՝ ավելացնելով, որ եղել է նաև դիմում ՄԻԵԴ, այնուհետև Եվրոպայի խորհրդի Նախարարների կոմիտե ուղարկելու համար։
