Բրիտանիայում վախենում են, որ Ռուսաստանը կարող է «հարվածել» Լեհաստանին

Ռուսաստանը կարող է հարված հասցնել Լեհաստանի մատակարարման գծերին՝ Ուկրաինային արևմտյան զենք մատակարարելու պատճառով, Daily Express-ին ասել է Ստոկհոլմի միջազգային խաղաղության հետազոտությունների ինստիտուտի տնօրեն Նիլ Մելվինը։ 

Նրա խոսքով, պատերազմական գոտի սպառազինությունների հետագա մատակարարումները կարող են համաշխարհային հակամարտության հանգեցնել։

«Մտավախություն կա, որ Ուկրաինայում իրավիճակը կվերաճի ավելի լայն հակասության»,- ասել է Մելվինը։

Հրատարակչության զրուցակիցը կարծիք է հայտնել, որ Ռուսաստանն ակտիվացնում է ջանքերը՝ խափանելու Ուկրաինային տեխնիկայի մատակարարումը։

«Ռուսաստանը կարող է փորձել հարվածներ հասցնել ՆԱՏՕ-ի տարածքի մատակարարման գծերին, օրինակ՝ Լեհաստանի ռազմակայաններին: Սա, իհարկե, ռիսկ է»,- նշել է քաղաքագետը։

Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին։