Մոսկվայում վերելակի խցիկի ընկնելու հետևանքով երկու հայ է մահացել (տեսանյութ)
Հինգշաբթի երեկոյան դժբախտ պատահար է տեղի ունեցել Մոսկվայի «Պրեզիդենտ-հոթել» հյուրանոցում. վերելակի խցիկի ընկնելու հետևանքով երկու մարդ է մահացել:
Ինչպես փոխանցում է «Վեստին», https://www.vesti.ru/article/2663536 նախնական տվյալներով՝ երկու մարդ է մահացել, իսկ վերելակն ընկել է վերանորոգման ժամանակ անվտանգության տեխնիկայի խախտման պատճառով:
Աղբյուրի տվյալներով՝ մահացել են վերելակի վերանորոգման աշխատանքներ իրականացնող ընկերության 30 և 32-ամյա աշխատակիցները, որոնք Հայաստանի քաղաքացիներ են: Վերելակը նախատեսված է եղել աշխատակազմի համար, հյուրանոցի բնակիչները դրանից չեն օգտվել: Վերելակի վերանորոգումն իրականացվելիս է եղել 7-րդ հարկում:
Միջադեպից հետո աշխատակիցներից մեկին մահացած են հայտնաբերել վերելակի հատակին, երկրորդը մնացել է խցիկի և հորանի միջև: Նա նույնպես մահացու վնասվածքներ էր ստացել:
Մոսկվայի քննչական մարմինները քրեական գործ են հարուցել կատարվածի առնչությամբ: Հյուրանոցը շարունակում է աշխատանքը սովորական ռեժիմով:
