Չինաստանին և ԱՄՆ-ին անհրաժեշտ է միջոցներ ձեռնարկել՝ խաղաղ գոյակցության ուղին հարթելու համար. Սի Ծինփին
Չինաստանին և Միացյալ Նահանգներին անհրաժեշտ է միջոցներ ձեռնարկել՝ խաղաղ գոյակցության ուղին հարթելու համար: Այդ մասին ասվում է ՉԺՀ նախագահ Սի Ծինփինի գրավոր ուղերձում, որը հրապարակվել է Չինաստանի կենտրոնական հեռուստատեսության կողմից ԱՄՆ կատարած նրա պետական այցի առաջին օրը, հաղորդում է ՏԱՍՍ-ը:
«Երկու կողմերին հարկավոր է հարթել ճիշտ ուղի դեպի նոր դարաշրջան, որում երկու մեծ տերությունները՝ Չինաստանը և ԱՄՆ-ը, խաղաղությամբ գոյակցում են», – նշել է պետության գլուխը։
«Հուսով եմ Թրամփի հետ հանգամանալից մտքեր փոխանակել մեր երկրների հարաբերությունների և համաշխարհային իրավիճակի մասին կարևոր հարցերի շուրջ, անընդհատ հարստացնել Չինաստանի և ԱՄՆ-ի միջև ռազմավարական կայունության կառուցողական հարաբերությունների բովանդակությունը, ինչպես նաև ընդլայնել մեր երկրների միջև բոլոր ոլորտներում փոխանակման և համագործակցության հնարավորությունները», – ընդգծել է Չինաստանի նախագահը։
Հիշեցնենք, որ ավելի վաղ՝ սեպտեմբերի 23-ին, Սի Ծինփինը ժամանել էր ԱՄՆ, որտեղ նրան անձամբ դիմավորել է Դոնալդ Թրամփը:
Ինչպես հայտարարել է Չինաստանի ԱԳՆ-ն, ՉԺՀ-ի նախագահի պետական այցը ԱՄՆ-ում տևելու է սեպտեմբերի 23-ից 25-ը։ Թրամփն այցով Չինաստանում էր գտնվել մայիսի 13-15-ը։
