Ռոբերտ Քոչարյանը երկու շաբաթ առաջ սրտի վիրահատություն է տարել. Աննա Գրիգորյան
ՀՀ երկրորդ նախագահ Ռոբերտ Քոչարյանը երկու շաբաթ առաջ սրտի վիրահատություն է տարել։ Այդ մասին, այսօր՝ օգոստոսի 25-ին լրագրողների հետ զրույցում հայտարարել է «Հայաստան» խմբակցության ղեկավար Աննա Գրիգորյանը՝ մեկնաբանելով այն տեղեկությունները, թե նախկին նախագահը ձերբակալությունից հետո վատացել է, և նրա համար շտապօգնություն են կանչել։
Նրա խոսքով՝ վիրահատական միջամտության մասին տեղեկությունը նախկինում չէր հրապարակվել։ «Մոտ երկու շաբաթ առաջ նախագահ Քոչարյանը սրտի վիրահատություն է տարել և այժմ գտնվում է հիվանդանոցում։ Այս փաստը նախկինում չէր հրապարակվել, սակայն այսօր, երբ քննչական գործողությունների և ձերբակալության ֆոնին նրա համար «շտապօգնություն» են կանչել, նրա վիճակի հարցը հատկապես սրվել է։ Չնայած առողջական խնդիրներին՝ նրա նկատմամբ քաղաքական հետապնդումը շարունակվում է»,- նշել է Գրիգորյանը։
Հիշեցնենք, որ Հայաստանի հակակոռուպցիոն կոմիտեում քննվող վարույթի շրջանակում այսօր ձերբակալվել են Ռոբերտ Քոչարյանը և նրա ավագ որդին՝ Սեդրակ Քոչարյանը։ Խուզարկություններ են իրականացվել նաև նախկին նախագահի կրտսեր որդու՝ «Հայաստան» դաշինքի պատգամավոր Լևոն Քոչարյանի տանը, ինչպես նաև ընտանիքին պատկանող ընկերություններում։ Ընկերությունների տնօրենները ձերբակալվել են։
