Թրամփի համաձայնագիրը մեզ չի պարտավորեցնում. մենք անկախ պետություն ենք. Իսրայելի ազգային անվտանգության նախարար
Թրամփի համաձայնագիրը մեզ չի պարտավորեցնում. Իսրայելը ենթակա չէ Միացյալ Նահանգներին: Այս մասին X-ի էջում գրել է Իսրայելի ազգային անվտանգության նախարար Իթամար Իթամար Բեն-Գվիրը:
«Թրամփի համաձայնագիրը մեզ չի պարտավորեցնում։ Իսրայելը ենթակա չէ Միացյալ Նահանգներին, և մենք անկախ ու ինքնիշխան պետություն ենք։
Մեր պարտքն է Իսրայելի քաղաքացիների, Իսրայելի պաշտպանության բանակի զինվորների և հրեա ժողովրդի առաջ, ինչպես նաև մեր պատմական պարտքը՝ հալածված և սպանված հրեաների հանդեպ, ապահովել հրեաների անվտանգությունը Իսրայելի երկրում։
Ամեն անգամ, երբ մենք տեղի ենք տվել միջազգային ճնշումներին՝ ի հաշիվ Իսրայելի անվտանգության, մենք վճարել ենք արյունոտ գին՝ տոկոսներով։ Դա ճիշտ էր Օսլոյի համաձայնագրերի դեպքում, ճիշտ էր 2006 թվականի Լիբանանի համաձայնագրի դեպքում, և ճիշտ էր Գազայում զսպման ողջ ժամանակաշրջանում, որը պայթեց մեր դեմքին։
Ընդգծենք. մենք սիրում ենք ԱՄՆ-ը և երախտապարտ ենք նախագահ Թրամփին։ Միևնույն ժամանակ, Իսրայել պետությունը «բանանի հանրապետություն» չէ։
Մենք պետք է հստակեցնենք. Լիբանանից Իսրայելի ուղղությամբ յուրաքանչյուր անօդաչու թռչող սարքի, կամ հրթիռի արձակում կհանգեցնի Իսրայելի կողմից Դահիյայի վրա հարձակման։ Սա էր զսպման հավասարակշռությունը ընդամենը մի քանի ամիս առաջ, և մենք ոչ մի դեպքում չպետք է հրաժարվենք դրանից»,- գրել է նախարարը:
