Հայաստանն ու Իրաքը կհամագործակցեն սպորտի ոլորտում. հուշագիր է ստորագրվել
Կառավարությունն իր այսօրվա՝ հունվարի 15–ի նիստում հավանություն տվեց Հայաստանի ԿԳՄՍՆ–ի և Իրաքի երիտասարդության և սպորտի նախարարության միջև երիտասարդության և սպորտի ոլորտներում համագործակցության մասին փոխըմբռնման հուշագրի ստորագրմանը։
Հիմնավորման մեջ նշվում է, որ այս հուշագրի ստորագրումը նպատակ ունի խրախուսել երիտասարդության և սպորտի ոլորտում համագործակցության զարգացումը: Այն կնպաստի երիտասարդության և սպորտի ոլորտներում գործող կազմակերպությունների, երիտասարդական կենտրոնների միջև համագործակցության հաստատմանը:
Հուշագրով նախատեսվում է Կողմերի պետություններում երիտասարդությանը և սպորտին առնչվող համատեղ սեմինարների անցկացում, սպորտի ոլորտում հետազոտությունների և մասնագիտացված ուսումնասիրությունների վերաբերյալ տեղեկատվության փոխանակում, երկու երկրների երիտասարդական և մարզական հաստատությունների վերաբերյալ տեղեկատվության փոխանակում:
