Ենթադրենք՝ ճիշտ է ասում
Նիկոլ Փաշինյանը հայտարարում է, որ եթե 6 ամիս առաջ ՀԷՑ-ի նոր կառավարիչ չնշանակվեր, ապա Նոր տարվա օրերին երեք անգամ ավելի շատ մարդ տոները կդիմավորեր մթության մեջ։
Ենթադրենք՝ ճիշտ է ասում։ Ենթադրենք՝ ոչ մի հիմք չունենք մտածելու, որ ՀՀ վարչապետը կարող է լկտիաբար ստել։ Ենթադրենք՝ արագաչափերի և կարմիր գծերի թեմաները ինքն չէր ասում , որ կհանի։ Ենթադրենք՝ «Արցախը Հայաստան է և վերջ» լրիվ այլ մարդ էր ասում։ Եթե կուզեք, կարողենք ենք ենթադրել նաև, որ «Արցախը Ադրբեջան է և վերջ» Վենեսուելայի նախագահն էր ասում, ինչի համար գուցե իր արժանի պատիժն այս օրերին կրում է։
Վերջապես ենթադրենք, որ միջին վիճակագրական քաղաքացին որևէ առիթ չունի չհավատալու վարչապետի ասածներին։
Բայց ինձ այլ բան է հետաքրքիր։
Ինչպե՞ս է նա կարողացել տեղում և ոտքի վրա այդպիսի գնահատական տալ, որ կոնկրետ երեք անգամ ավելի շատ մարդ կմնար անլույս՝ և ոչ թե երկու, չորս կամ ասենք հինգ։ Եթե դա հաշվարկված թիվ է, ուրեմն պետք է լինի հիմք, մեթոդաբանություն, ռիսկերի գնահատում:
Իր տրամաբանությամբ, եթե ՀԷՑ-ի նոր կառավարիչ չլիներ, ապա հաջորդ տարի Ամանորի գիշերը հանրապետության հրապարակում թռչող դրոններն էլ չէին կարողանալու «զարյադկի» դնել։
Հ.Գ
Եվ ուրեմն, ինչպես կասեր մաթեմատիկայի ուսուցիչս, ենթադրությունը սխալ էր….
