Հունգարիան արգելափակել է ԵՄ-ի տարեկան ընդլայնման մասին հայտարարությունը
Եվրամիությունը չի կարողացել ընդունել թեկնածու երկրների առաջընթացի վերաբերյալ իր տարեկան հայտարարությունը Հունգարիայի՝ Ուկրաինայի անդամակցությանը դեմ լինելու պատճառով, հաղորդել է DW-ն:
Հունգարիան, որը դեմ է Ուկրաինայի՝ Եվրամիությանը անդամակցությանը, արգելափակել է ԵՄ-ի ընդլայնման գործընթացի վերաբերյալ տարեկան հայտարարությունը: Վարչապետ Վիկտոր Օրբանի կառավարությունը չի աջակցել Ուկրաինայի՝ եվրաինտեգրման ուղղությամբ գործադրվող ջանքերի դրական գնահատականին, հայտարարել է ԵՄ-ում ներկայումս նախագահող Դանիան դեկտեմբերի 16-ին Բրյուսելում կայացած խորհրդակցությունների ժամանակ:
ԵՄ մնացած անդամ պետությունները հաստատել են, որ Ուկրաինան առաջընթաց է գրանցել Բրյուսելի պահանջները կատարելու հարցում, ըստ Դանիայի Եվրոպայի հարցերով նախարար Մարի Բյերեն։
Հունգարիայի վետոն նշանակում է, որ Ուկրաինան դեռևս չի կարող սկսել ԵՄ-ին անդամակցելու պաշտոնական բանակցություններ: Այնուամենայնիվ, Ուկրաինայի անդամակցության պայմանների վերաբերյալ ոչ պաշտոնական խորհրդակցություններն արդեն ընթանում են, նշել է Մարի Բյերեն:
«Սա նշանակում է, որ Ուկրաինային տրվում են կոնկրետ հրահանգներ այն մասին, թե ինչպես պետք է իրականացնի բարեփոխումներ, ինչի պետք է հասնի և ինչ արդյունքներ է անդամ պետությունների մեծամասնությունն ակնկալում այս երկրից», – բացատրել է Բյերեն:
Նա վստահություն է հայտնել, որ Կիևը կարող է շատ արագ առաջընթաց գրանցել, եթե Հունգարիան վերացնի իր վետոն:
