Իսրայելը թաքցրել է Իրանի կողմից իր 5 ռազմական օբյեկտներին հասցված հարվածները
Իսրայելը չի հրապարակել տեղեկատվություն Իրանի կողմից հինգ ռազմական թիրախների, այդ թվում՝ խոշոր ավիաբազայի հարվածների մասին: Այս մասին հայտնել է բրիտանական The Daily Telegraph թերթը՝ հղում անելով Օրեգոնի պետական համալսարանի աշխատակիցների կողմից արբանյակային տվյալների վերլուծությանը։
Նշվում է, որ իրանական վեց հրթիռներ հարվածել են Իսրայելի հյուսիսային, հարավային և կենտրոնական մասերում գտնվող հինգ թիրախների, այդ թվում՝ հետախուզական կենտրոնի և լոգիստիկ բազայի: Հրատարակությունը նշել է, որ ընդհանուր առմամբ, 12-օրյա հակամարտության արդյունքում Իրանը հարվածել է Իսրայելի ավելի քան 40 ենթակառուցվածքային օբյեկտների։
Իսրայելի պաշտպանության բանակը չի մեկնաբանել ռազմական բազաների վրա հարվածների մասին հաղորդագրությունները, բայց հայտարարել է, որ «բոլոր համապատասխան ստորաբաժանումները պահպանել են ֆունկցիոնալ շարունակականությունը ողջ գործողության ընթացքում»:
The Daily Telegraph-ի տվյալներով՝ ընդհանուր առմամբ, Իսրայելի և ԱՄՆ ՀՕՊ համակարգերը որսացել են հրթիռների մոտ 84%-ը:
