Որպեսզի Կիևն իրեն դավաճանված չզգա, Մակրոնը Պուտինից հետո հեռախոսազրույց է ունեցել Զելենսկու հետ
Ֆրանսիայի նախագահ Էմանուել Մակրոնը հեռախոսազրույց է ունեցել Ուկրաինայի նախագահ Վլադիմիր Զելենսկու հետ:
Ֆրանսիայի նախագահ Էմանուել Մակրոնը Ռուսաստանի նախագահ Վլադիմիր Պուտինի հետ զրույցից հետո զանգահարել է Վլադիմիր Զելենսկուն, որպեսզի չնեղացնի նրան, գրում է ֆրանսիական Le Monde պարբերականը, փոխանցում է «ՌԻԱ Նովոստի»-ն:
«Որպեսզի Կիևն իրեն դավաճանված չզգա, Ֆրանսիայի նախագահը Վլադիմիր Զելենսկուն պատմել է Պուտինի հետ իր զրույցի մասին», — ասվում է նյութում ։
Հիշեցնենք, որ երեկ երեկոյան Ռուսաստանի նախագահ Վլադիմիր Պուտինը երեք տարվա ընթացքում առաջին անգամ հեռախոսազրույց է ունեցել Էմանուել Մակրոնի հետ։
Ինչպես հայտնել Է Կրեմլի մամուլի ծառայությունը, քննարկվել է Ուկրաինայում պատերազմը և Մերձավոր Արևելքում տիրող իրավիճակը՝ «Իրանի և Իսրայելի հակամարտության և իրանական օբյեկտներին ԱՄՆ-ի հարվածների» համատեքստում:
