Պոլսի պատրիարքարանը Փաշինյանին չի ընդունել, Սահակ արքեպիսկոպոսի հետ հանդիպում չի կայացել
Պոլսի հայոց պատրիարք Սահակ արքեպիսկոպոսի հետ Նիկոլ Փաշինյանի հանդիպում չի կայացել։ Այս մասին «Փաստինֆո»-ին տեղեկացրել են պոլսահայ համայնքի ներկայացուցիչներ։
«Մեր աղբյուրների փոխանցմամբ՝ Նիկոլ Փաշինյանի և պոլսահայ համայնքի անդամների միջև կայացած հանդիպմանը Հայ Առաքելական եկեղեցու Պոլսի պատրիարքարանը չի մասնակցել։
Ստամբուլից ստացված տեղեկությունների համաձայն՝ հայ համայնքի հետ հանդիպումից հետո վարչապետ Փաշինյանը գնացել է Սուրբ Հարության եկեղեցի, որը գտնվում է Պոլսի պատրիարքարանի անմիջապես դիմաց։ Սակայն պատրիարքարանի դռները եղել են փակ, և հանդիպում պատրիարքի հետ տեղի չի ունեցել»,- գրում է կայքը։
