Հանրապետության հրապարակից ադրբեջանցի բլոգերի տեսանյութի գործով նախաձեռնվել է քրեական վարույթ

Հանրապետության հրապարակից ադրբեջանցի բլոգերի տեսանյութի հրապարակման գործով ՔԿ-ում նախաձեռնվել է քրեական վարույթ: Այս մասին հայտնել են Քննչական կոմիտեից:

Վարույթը հարուցվել է Քրեական օրենսգրքի 422-րդ հոդվածի 2-րդ մասի հատկանիշներով (իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչերը»:

Հիշեցնենք՝ օրեր առաջ ադրբեջանցի բլոգերը Հանրապետության հրապարակից սոցցանցերում տեսանյութ էր հրապարակել, որում Երևանն անվանել էր «պատմական ադրբեջանական»:

Իսկ Asekose․am-ը իր տելեգրամյան ալիքում տեսանյութ է հրապարակել՝ տխրահռչակ ադրբեջանցի բլոգեր Քյամրամի մասնակցությամբ, որտեղ նա «Երևան Սիթի»-ի տոպրակով է։