Ռուբեն Վարդանյանի՝ Բաքվի դատարանի կազմը բացարկելու միջնորդությունը անհիմն է ճանաչվել
Բաքվի դատարանը ապօրինի պատանդառված, Արցախի նախկին պետնախարար Ռուբեն Վարդանյանի՝ Բաքվի դատարանի կազմը բացարկելու միջնորդությունը անհիմն է ճանաչել և թողել առանց քննության:
Բաքվի դատարանից նշել են, թե «նման միջնորդությունը նախկինում արդեն քննարկվել է և բավարարելու հիմնավոր հիմքեր չկան»։
Նշենք՝ երեկ հետաձգվել էր Վարդանյանի գործից անջատ ընթացող Արցախի ռազմաքաղաքական մյուս ղեկավարների դատը՝ ինչպես պնդում են ադրբեջանական աղբյուրները, եղանակի պատճառով: Բաքուն հայերին ծանրագույն մեղադրանքներ է առաջադրել, դատում է ռազմական դատարանում:
