Կիևը պետք է դիտարկի մետաղների վերաբերյալ առաջարկը որպես անվտանգության երաշխիքների մաս. Քելոգ
Կիևի իշխանությունները պետք է դիտարկեն ԱՄՆ-ի առաջարկը՝ ուկրաինական հազվագյուտ հողային ռեսուրսներն օգտագործել որպես անվտանգության երաշխիքների մաս։ Այս մասին Fox Business հեռուստաալիքին տված հարցազրույցում ասել է Ռուսաստանի և Ուկրաինայի հարցերով ԱՄՆ նախագահի հատուկ բանագնաց Քիթ Քելոգը։
«Իմ կարծիքով, նման տնտեսական համագործակցություն սկսելը հիանալի գաղափար է, քանի որ այն կապահովի Ուկրաինայի անվտանգությունը։ Նրանք կիմանան, որ Միացյալ Նահանգները ներգրավված է տնտեսապես, և որ մենք տնտեսական շահ ունենք Ուկրաինայում։ Սա Ուկրաինայի անվտանգության երաշխիքների մի մասն է, և նրանք պետք է դրան նայեն այդ տեսանկյունից»,- ասել է պաշտոնյան։
Նա նաև հույս է հայտնել, որ առաջիկա մի քանի օրվա ընթացքում Կիևը կհամաձայնի հազվագյուտ մետաղների ոլորտում գործարքի կնքմանը։ «Նրանք շատ թանկարժեք մետաղներ ունեն։ «Ֆինանսների նախարարը [Սքոթ Բեսենտը] Կիևում էր, նա եկել էր [Վոլոդիմիր] Զելենսկու հետ քննարկելու թանկարժեք մետաղներով վճարումները՝ հաշվի առնելով ԱՄՆ-ի տրամադրած օգնության չափը», – հավելել է Քելոգը։
