ՌԴ-ում օտարերկրյա գործակալների գրանցամատյանում ընդգրկված անձինք այլևս չեն կարող մասնակցել ՌԴ ընտրություններին. Պուտինը որոշում է ստորագրել
Ռուսաստանի նախագահ Վլադիմիր Պուտինը օրենք է ստորագրել, համաձայն որի՝ արգելվում է օտարերկրյա գործակալներին մասնակցել Ռուսաստանի ընտրություններին:
Սա տարածվում է դաշնային պետական մարմինների, Ռուսաստանի Դաշնության հիմնադիր սուբյեկտների իշխանությունների, դաշնային տարածքի հանրային իշխանության, ինչպես նաև տեղական ինքնակառավարման մարմինների ընտրությունների վրա:
Որոշման մեջ ասվում է․ «Եթե օրենքի ընդունման պահին օտարերկրյա գործակալը կառավարությունում պաշտոն է զբաղեցնում, նա օրենքն ուժի մեջ մտնելու օրվանից 180 օրվա ընթացքում պետք է քայլեր ձեռնարկի՝ ցանկից իր անունը բացառելու համար: Հակառակ դեպքում նրա լիազորությունները վաղաժամկետ կդադարեցվեն»։
