Ոչ թե Հայաստանը, այլ Փաշինյանն է բաժանվում Ռուսաստանից
Հայաստանի վարչապետ Նիկոլ Փաշինյանն անում է այն, ինչ ժամանակին արել են Ուկրաինայի նախկին նախագահ Պյոտր Պորոշենկոն և պետության ներկայիս ղեկավարը։ Այս մասին հայտարարել է Ռուսաստանի Դաշնության Պետական դումայի ԱՊՀ, եվրասիական ինտեգրման և հայրենակիցների հետ կապի հարցերով մշտական հանձնաժողովի առաջին փոխնախագահ Վիկտոր Վոդոլացկին՝ խոսելով ռուս սահմանապահներին «վտարելու» Երևանի որոշումից։
Պատգամավորի խոսքով՝ Փաշինյանը գնում է արդեն տրորված ճանապարհով, որը որոշված է Արևմուտքի կողմից. «Նա գնում է տրորված ճանապարհով, որն իր համար որոշել են անգլո-սաքսոնները, ովքեր որոշել են Հայաստանը դարձնել հերթական հակառուսական ճակատը»,- ասել է Վոդոլացկին։
Վոդոլացկին նշել է նաև, որ Փաշինյանը երբեք էլ ՌԴ-ի հետ չի եղել։
«Սա վկայում է, որ ոչ թե Հայաստանը, այլ Փաշինյանն է բաժանվում Ռուսաստանից։ Սկզբունքորեն, նա երբեք չի էլ եղել Ռուսաստանի հետ, վարչապետը իշխանության է եկել քաղաքացիական հասարակության ներսում տարաձայնությունների ալիքով։ Այսօր Փաշինյանն անում է այն ամենը, ինչ ժամանակին արել է Պորոշենկոն, իսկ Զելենսկին շարունակել է անել»։
Պատգամավորը հիշեցրել է նաև, որ Հայաստանի բնակչության կեսն ապրում է Ռուսաստանում և պատրաստ չէ խզել կապերը հարազատների հետ, հավելեց պատգամավորը։ Նրա խոսքով, հարկ է հաշվի առնել, որ մինչ այժմ Փաշինյանի հայտարարությունները իրավական հիմք չունեն։
Ռուսաստանը միշտ հանդես է եկել Անդրկովկասում և Հարավային Կովկասում խաղաղության և բարգավաճման օգտին: Եվ մենք մտադիր ենք շարունակել կատարել մեր պարտավորությունները, որպեսզի Հայաստանը չհայտնվի Ուկրաինայի վիճակում»,- եզրափակել է քաղաքական գործիչը։
