ԶՈՒ ԳՇ պետը խրախուսել է վարժական հավաքներին առավել աչքի ընկած մասնակիցներին
Մայիսի 13-ին ՊՆ Վ. Սարգսյանի անվան ռազմական համալսարանում տեղի է ունեցել պատրաստման և վերապատրաստման 25-օրյա վարժական հավաքների ավարտական միջոցառումը: Այս մասին հայտնում են ՀՀ ՊՆ-ից:
Ողջունելով մասնակիցներին և կարևորելով մասնագիտական վերապատրաստումը` ԶՈՒ ԳՇ պետ, պաշտպանության նախարարի առաջին տեղակալ, գեներալ-մայոր Էդվարդ Ասրյանը շնորհակալություն է հայտնել ներգրավված անձնակազմին` մարտական պատրաստության և զինվորական կարգապահության բարձր արդյունքներ ցուցաբերելու համար:
Միջոցառման ավարտին առավել աչքի ընկած մասնակիցները խրախուսվել են:
