Պայքարել ոչ թե հանուն պաշտոնի, հանուն բիզնեսը չկորցնելու, ոչ թե շահադիտական նպատակներով, այլ պայքարել` հետամուտ լինելով Որդիների կանչին
Ողջ հայությունը այսօր, քան երբևէ կարիք ունի համախմբվելու, իրականում մեկ միասնական բռունցք դառնալու։ Փնտրում ենք ում կամ ինչ գաղափարի շուրջ համախմբվել` պարզ է և տեսանելի.
«Որդիների կանչ» խորիմաստ անունը կրող հասարակական կազմակերպությունը իր մեջ համախմբել է բոլոր այն մարդկանց, ովքեր իրապես զգում են Հայոց պետականության կորուստը, վախճանը և չեն կարող համակերպվել, որովհետև իրենք հանուն Հայոց պետականության Հայրենիքին են տվել իրենց ամենաթանկը` իրենց 18, 19, 20, 21-ամյա որդիներին։ Նրանց կյանքը այլեւս ունի մեկ վեհ նպատակ` իրենց որդիների հերոսական կռիվը հասցնել իր ավարտին ու հետևելով որդիների կանչին, որքան էլ որ դժվար է, պայքարել։
Պայքարել ոչ թե հանուն պաշտոնի, հանուն բիզնեսը չկորցնելու, ոչ թե շահադիտական նպատակներով, այլ պայքարել` հետամուտ լինելով Որդիների կանչին։
Այ, եթե կարողանանք համախմբվել ու Հերոսածին ծնողներին նեցուկ լինել, վստահ եմ, և’ ներքին, և’ արտաքին թշնամուն ծնկի կբերենք, կմտնենք մեր մեջքը և Հայոց արժանապատվությունը կրկին կշտկվի կզած կարգավիճակից։
Խոնարհում և հարգանք առյուծածին ծնողներին թվականի 44-օրյա պատերազմ կոչվող Ցեղասպանության ժամանակ արիաբար զոհված զինծառայողների ծնողները համախմբված մասնակցում էին 1 միլիոն ու կես ցեղասպանված, մորթազերծված հայերի հիշատակի հարգանքին։
Երախտապարտ ենք Հերոսածին հայրերին ու մայրերին, որ արժանապատվորեն են կրում իրենց վիշտը և հանուն Հայրենիքի պայքարում։
Սոնա Աղեկյանի ֆեյսբուքյան էջից
