«Ապահովեք մեր կյանքի իրավունքը»․ Արցախցի կանայք երթով շարժվում են դեպի Շոշ-Շուշի ճամփաբաժան, որն արգելափակել են ադրբեջանցիները
Ստեփանակերտում մի խումբ կանայք ժամը 12։00 -ին ծաղիկ են խոնարհել զոհված տղաների շիրմաքարերին։ Հարգանքի տուրք մատուցելուց հետո նրանք շարժվել են դեպի Զառուն Բաղ (Շոշ-Շուշի ճամփաբաժան) կոչվող տարածքը, որն արգելափակված է ադրբեջանցիների կողմից։ Այն եղբայրական գերեզմանատնից հեռու է 2կմ։
Երթը շարունակվում է։
Նրանք հայերենով, ռուսերենով եւ անգլերենով վանկարկում են. «Ապահովեք մեր ազատ տեղաշարժվելու իրավունքը», «Բացեք Լաչինի միջանցքը», «Արցախի հայկականությունն այլընտրանք չունի»:
Ակցիայի մասնակիցների ձեռքին կան պաստառներ. ««Արցախի ինքնորոշումը միակ այլընտրանքն է», «Մենք չենք հանձնվում», «Կանգնեցրեք չարը», «Ապահովեք մեր կյանքի իրավունքը», «Վերադարձրեք ինձ իմ կրթության իրավունքը»:
